影片
更多
2018-09-15
131 瀏覽
最近又開始煲韓劇, 成日見到D主角食燒肉炸雞飲Shochu, 引到我流晒口水. 今日又相約幾位好友去食下炸雞, 揀咗尖沙咀呢間新開嘅餐廳. 其實我地係行行下街無意中發現呢間餐廳嘅, 係miramall 4樓, 地點非常方便, 可能係新開無乜人知, 連星期日都唔駛排隊等位. 餐廳係半開放式設計, 矮牆分開用餐同商場區域, 另外上半部開放式可以見到餐廳特色設計, 最吸引我係吧枱位置好多啤酒tap, 好有型!入到去坐低就發現餐廳嘅啤酒選擇真係好多, 足足有兩張A4紙, 而且絕大部份我都未試過!!我當然叫杯啤酒飲下先啦, 揀咗一杯Perilla leaf saison, 店員話呢款啤酒幾特別, 係有紫蘇葉嘅材料. 我呷咗一啖, 味道真係好fresh, 佢同薄荷唔同嘅地方係味道無咁搶, 而係淡淡嘅香味滲出, 薄荷嘅冰涼感亦都較重.講到食物, pizza選擇比較多, 西式日式韓式fusion. 我地叫咗個群蟹pizza, 係蕃茄醬底, 配有蟹肉, 蝦, 蘑菇, sourcream, BBQ醬, 芝士, 面頭仲有D木魚碎. 薄餅厚度適中, 全個pizza都鋪滿材料, 好豐富. 味道嚟講都唔錯, 雖然
入到去坐低就發現餐廳嘅啤酒選擇真係好多, 足足有兩張A4紙, 而且絕大部份我都未試過!!
我當然叫杯啤酒飲下先啦, 揀咗一杯Perilla leaf saison, 店員話呢款啤酒幾特別, 係有紫蘇葉嘅材料. 我呷咗一啖, 味道真係好fresh, 佢同薄荷唔同嘅地方係味道無咁搶, 而係淡淡嘅香味滲出, 薄荷嘅冰涼感亦都較重.
講到食物, pizza選擇比較多, 西式日式韓式fusion. 我地叫咗個群蟹pizza, 係蕃茄醬底, 配有蟹肉, 蝦, 蘑菇, sourcream, BBQ醬, 芝士, 面頭仲有D木魚碎. 薄餅厚度適中, 全個pizza都鋪滿材料, 好豐富. 味道嚟講都唔錯, 雖然咁多落左咁多款調味料, 但係一D都唔覺得咸.
不過我更欣賞另一款Chicago pizza, 佢嘅批邊係芝芯批邊, 上面仲加咗蜜糖同杏仁片, 甜甜地, 好好味!!!! 我地無為意, 所以又係嗌咗海鮮pizza, 材料差不多, 不過呢款就有一條條完整蟹棒喺pizza上面~
炸雞我地叫咗半半炸雞, 分別係蜂蜜牛油同芝士炸雞, 兩款都係炸雞上灑上唔同嘅調味粉,熱辣辣又脆口~再加一啖冰凍啤酒~正呀!!! 享受食物之餘, 又同幾位朋友分享一個愉快晚上
張貼
