念川居 (MOKO新世紀廣場)

營業中

休息中

星期六要去MoKo「新世記廣場」買嘢，順便早少少嚟到食個brunch。咁早開門嘅，「翠園」同「念川居」都係唔錯嘅選擇。回味上次喺「又一城」食過「望月樓」嘅「雪山叉燒包」，今次就幫襯返佢哋間姊妹店「念川居」。10:15am入座，限時90分鐘，即刻落單。「雪山叉燒包」👍🏼👍🏼👍🏼👍🏼👍🏼，墨西哥酥皮入面，叉燒餡料熱辣辣，個包底脆口，應該係焗之餘再煎過嚟。「蘋果叉燒酥」👍🏼👍🏼👍🏼👎🏾👎🏾，以為係焗嘅叉燒酥，原來係用千層絲酥皮鋪上芝麻包住嚟炸，雖然香脆可口，可惜炸物一向唔係 ”our cup of tea”，浪費咗😅。「渝州凍麵」👍🏼👍🏼👍🏼👍🏼👍🏼，凍幼麵簡單伴上青瓜絲、芽菜、淡醬油同蔥花，食落麵質爽口彈牙，花椒味香但唔會搶晒其他味道，蔥花同青瓜絲清新爽口。尋常不過嘅食材，口感、味道不溫不火，平衡得恰到好處。「紅油抄手」👍🏼👍🏼👎🏾👎🏾👎🏾，作為主打川菜，呢個抄手麻、香、辣都唔夠，只係得甜豉油同紅油，相對略遜一籌。「螞蟻上樹」👍🏼👍🏼👍🏼👍🏼👎🏾，估唔到尋常不過嘅菜式，一樣做到水準之上。上完洗手間，碟餸上台攤凍咗一陣，不過啲粉絲依然咁彈口，唔會黐埋一齊，又唔會乾身，最重要唔會油淋淋。是日我