南瀛水產

想念日本，最好嘅方法就喺去居酒屋！南瀛水產有齊咁多日本美食，水準仲要喺中上，樣樣都覺得好好食🐠深海池魚刺身 池魚以肉質鮮嫩肥美見稱，入口魚油甘香細膩。薄切無咁漏，令人齒頰留香。🍳南赢玉子燒 超完美嘅玉子燒！煮得很蓮鬆，上枱時還熱辣辣冒煙，咬下去香甜鬆軟而且很嫩滑。🦀軟殼蟹沙律軟殼蟹份量好多，炸得香口鬆脆，口感好鬆化。再食返啲沙律balance下，感覺好清新。👅香蒜牛舌厚切嘅牛舌用香蒜煎香，表面很乾脆，內裡很軟綿，食落沒有渣。🔥蚧味噌甲羅燒、帆立貝、蛤蜊、大蝦再來磯燒水產，有職員幫手燒，火力控制得好均勻。每樣都燒得剛剛好，唔會燒過龍。新鮮得黎帶點磯燒味，火喉十足。🍤什錦天婦羅盛合比想像中大份，有秋葵、魚、蝦、紫薯、茄子、粟米芯，好什錦！炸粉無落調味，靠淡淡嘅天婦羅汁帶出食材嘅鮮味。🍜牛肉烏冬有3大塊牛肉，以湯嘅熱度灼熟佢，令到牛肉呈現半熟狀態，好嫩滑！上枱時仍然不停出煙，呢種熱度令整個烏冬更新鮮，個人感覺好溫暖。