夏麵館 (寶石大廈) (已結業)

下午茶餐的時間，諗唔到食咩就入咗夏麵館。叫咗一個下午茶餐，再加左幾款小食。每次必點嘅炸大排菜飯，排骨今次有啲乾，冇以前咁鬆脆好食。小食糖心蛋還可以，但炒四季豆就冇乜鑊氣同埋味道有啲淡。🙈 另外叫咗一道雞，調味都麻麻哋，實在再有啲失望。雖然肚餓，但係最後都冇食晒，已盡力。✨另外叫左豆沙鍋餅等等，有蛋香甜甜地咁，正常發揮。但總體都比以前嘅無咁好食，同樣價錢仲有好多其他選擇，食完呢次應該有排都唔會再試住。