Pizza Piazza (已結業)

今日係荔枝角行完街，係附近食左間靓又好味既餐廳。入到餐廳，成個氣氛原來好靓。好有西式休閒的氣氛。好舒服。叫左個西班牙黑毛豬。黑毛豬一上菜。原來係咁大份架！兩個大黑毛豬豬扒都係鬼死咁厚切。燒得真係好靓。切開黑毛豬，可以見到豬肉啱啱熟。咬一啖，口感好軟，好有水份。而且味道好夠。兩塊大豬肉其實可以俾兩個人食。因為超級大塊。跟住仲有甜薯薯條。平時食開薯條，今次食甜薯薯條。味道好好味。甜甜地，脆脆地。味道我覺得好食過平時既薯條。好有創意。仲有一啲沙律係側邊。沙律可以點呢個餐廳自製既雪梨醬。清甜好好味。之後叫左杯熱朱古力。以為普通野。點知都有拉花架！仲有個心型。好溫暖。朱古力係屬於濃既。甜味少，更多既係朱古力本身既味道。好鍾意飲呢啲偏苦既朱古力。好香醇。正！今日真係滿足，下次再黎。