時新快餐店 (已結業)

又嚟到紅磡，不禁特登走嚟天橋底食個雙層芝蛋漢堡。一年都唔知到此一遊幾多次。終於要為佢提下筆。裏面環境一般般啦，醉翁之意不在境，志在求得一口美味。買完係門口等咗幾分鐘就睇住新鮮即整既包包出爐，真係快快樂樂地食包包食飽啦。最鍾意佢啲肉入面放咗洋蔥，特別香又有口感。兩層嘅漢堡扒加芝士+蛋再加上佢嘅秘製醬料一啖咬落去嘅感覺真係滿足到爆燈啊。當然如果個麵包可以heat一下就太完美啦，不過算啦，已經比其他好太多。三個字：下次見！