大盛日本料理

營業中

休息中

又黎食呢間大盛喇~ 其實每次行過都會黎食，不過自己本身唔係住呢頭，所以後尾都食少左，難得今次有野做要黎APM，落雨都要行去食。雖然係假期晚上7點幾，門口都有人等緊位，但好彩地方夠大，排左唔使5分鐘都已經入座~叫左兩個鍋物，左邊係蟹粥，入口感覺非常黏稠，唔似平日加左大量水個皇口感，食完一碗真係有飽足感，重點係入面會有一隻蟹，比想像中多物同鮮甜，意外地好味；右邊雞肉鍋就不過不失啦，同平時差不多，雞肉一樣係好多好多，可惜有少少雪味，而菜都係好多，叫一個應該可以2-3人食。之後就叫左少少壽司，個人最愛火炙三文魚，魚肉係長長個種，上面燒焦少少，但入面都係生的，入口油脂味好濃郁。其實次次黎食，刺身都幾乎係滿意，特別係呢個價錢，食落係鮮甜就好滿足。最後黎多個蝦卷，呢個係新鮮赤蝦，唔係平時個種炸蝦，入口甜甜地軟軟地，仲幾彈牙，蝦頭睇落都有光澤，新鮮度滿分。不過呢個就等得好耐，成半個鐘先上檯，如果下次可以快少少就更好喇。