揀咗放題補返 7點前走每位都係$368
好多嘢食 數過電子落單有成80幾款
包括刺身、卷物、軍艦、江戶前壽司
灸燒壽司、創作料理、串燒、燒物、炸物
天婦羅、一品料理、蒸焗鐵板、麵鍋
仲有自助區域 主打係燒榴槤、三文魚籽
任拎沙律/餐前小食、海鮮水果、甜品飲品
1
87
1
1
1
1. 刺身
拖羅肉質粉嫩 帶有少少油脂紋理
表面都立立令反光 入口即化
口感柔軟 唔使點咀嚼都吞到
海赤蝦肉晶瑩剔透 又好鮮甜
有濃烈嘅海洋味道 咬落彈牙爽脆
2. 軍艦
海膽拖羅鱈魚乾手卷用咗日本海膽、蟹籽
鋪喺拖羅蓉上 濃郁甘甜海膽同拖羅油脂香好夾
下面放有鱈魚乾片同飯 脆片好似藝術品咁突出
味道微鹹做到提鮮作用 整體層次都幾分明
紫菜同鱈魚乾脆 海膽同拖羅蓉綿滑 多重口感
1
3. 串燒燒牛舌係厚切牛舌嚟 燒到表面色澤焦糖
表面有啲油光 有啲肉汁、唔會好乾
少少黑胡椒粉吊味 食落覺得彈牙、嚼勁
鹽燒雞軟骨燒到金黃微焦 鹽粒唔會過多過鹹
少鹽吊出雞軟骨嘅原味 脆中帶韌、超有咬口
鹽燒泰國仙草蝦殼紅艷得嚟唔會燶邊
剝殼後蝦肉鮮甜 肉質緊實彈牙
1
4. 一品料理酥炸生蠔外殼炸到金黃酥脆 但唔油膩
生蠔都幾新鮮飽滿 入面直頭爆漿
皇帝蟹濃湯伊麵 細份唔會嘥位
蟹肉比想像中大件 一啖入口係好滿足
伊麵吸晒濃郁蟹湯精華 口感滑溜
1
5. 蒸焗鐵板鵝肝厚多士鵝肝豐厚油亮、焦香濃郁
多士煎到金黃、吸晒油後香脆唔膩
甜甜哋嘅醬汁係靈魂 口感外脆內軟
金蒜粉絲蒸扇貝都幾新鮮大粒
上面舖有粉絲 粉絲食落爽滑唔硬
吸晒醬汁精華好正 面頭多蒜味濃
極上椰皇燕窩燉蛋白用咗椰殼盛載
蛋白滑嫩無瑕 有透明燕窩喺上面點綴
少少椰香清甜 整體食落口感滑順
1
6. 麵鍋
清酒煮鮮蜆蜆殼好似打開咗嘅花瓣
肉質嫩滑鮮甜 湯汁清醇 彌漫清酒香氣
鮑魚皇帝蟹黃粥嘅色澤比較金黃
可能加咗蟹黃關係 粥底綿密 感覺暖胃
1
1
