越風味地道越南料理

營業中

休息中

今日同老出左旺角買嘢，買完嘢就去搵食。經過呢間越南餐廳，職員話佢哋菜式係越南廚師主理，咁我哋就入去睇睇。餐廳裝修簡約，牆身係柔和嘅綠色，掛上越南地道掛畫，坐位闊落，坐得舒服。餐牌有好多種類嘢食，老公發辦點左個小食併盤、湯河同咖喱飯，天氣咁熱，我哋就叫左兩沙冰。小食拼盤：有五款小食，墨魚餅係自家打，食到有墨魚粒；春卷好脆，裡面有粟米、紅蘿蔔、木耳、豬肉同粉絲等配料，口感豐富；蒸粉包個皮幾特別，煙煙韌韌，同春卷配料差唔多，包到滿晒；蝦餅炸得好香，扎肉都好好，我哋幾滿意。珍寶火車頭湯河：有肥牛、牛展、牛丸同扎肉，每款都好食，最重要個湯底，真係用牛骨湯，連湯都可以飲，值得推介。咖哩軟殼蟹飯：軟殼蟹炸得又香又脆，咖喱味道都可以，裡面仲有薯仔，撈飯好食，整體味道正常，合格。鮮榨芒果沙冰：芒果味濃，甜度剛好，落足料，正！👍🏻越南味咖啡沙冰：老公話係越南咖啡果種味道，唔太甜，天氣咁熱飲沙冰就啱晒。