成都老碼頭火鍋 (已結業)

香港人就係天氣熱都要打邊爐，今次去左呢間裝修古色古香既成都老碼頭試下正宗成都火鍋🍲自助醬料區一盤盤排得整齊，有介紹特色醬料配搭。店內提供圍裙長公筷，仲有生果任食，當日有蜜瓜同荔枝兩款都好鮮甜！火鍋湯底揀咗鴛鴦：成都原味無渣控油麻辣湯拼宮廷藥膳湯。本身想嗌中辣，但店員貼心提醒成都火鍋辣味主要來自紅油，小辣以上油量會較多⚠️最後淆底揀咗小辣加辣，油量適中但鍋入面好多辣椒花椒，辣勁十足🔥藥膳湯就有淡淡藥材香可以解油膩感，飲咗幾碗！大家揀湯底之前都可以問店員哥哥意見🫶🏻火鍋配料一應俱全，牛豬羊、內臟、丸類、海鮮蔬菜等等，好多都有半份選擇可以試多啲種類🙆🏻‍♀️🔸瘋狂辣牛肉食得辣嘅必點！！一上枱見到一塊塊牛肉比辣椒粉埋住，放入湯底淥2分鐘後肉質軟腍，辣椒香味加上肉香，可以自己一個清哂一碟🤤🔸 手打龍蝦肉蝦丸蝦味濃郁而且好煙韌🦐🦞🔸即炸響鈴炸得好酥脆，一份有八大條最好同多d朋友share!