成都老碼頭火鍋 (已結業)

好鍾意食四川菜嘅我今次終於食到成都老碼頭火鍋，門口裝修夠曬華麗同埋古色古香！入到去，座位寬敞舒適，職員會提供口罩套，坐低後我哋揀定湯底同配料，就去到自助吧∼去到又有另一個驚喜，就係食麻辣火鍋必須有嘅圍裙！呢度可以喺吧台個度領即棄圍裙和即棄公筷，雖然聽落唔太環保，但係好衛生！湯底方面，我哋揀咗自選鴛鴦湯底：成都麻辣小辣、養顏花膠雞。呢兩款湯底絕對就係邊爐好食嘅基礎，本身花膠雞湯已經有半隻雞同埋好多花膠及竹苼∼喺食物仲未到嘅時候，我哋食住湯配料竟然已經覺得不枉此程！麻辣小辣個湯好多辣椒，但十分過癮！而火鍋材料方面，我哋揀咗澳洲雪花肥牛、西班牙黑毛豬腩肉、皇帝雞件、毛肚同埋生菜。首先，肥牛半份都好大碟，的確幾抵食！而且好雪花，油脂分布啱啱好，肉質又嫩滑，仲要隻係幾十元碟！！！另外，西班牙黑毛豬腩肉都唔簡單∼可以叫半份本身已經好方便，對於想試味道嘅我哋絕對係正正正！豬腩肉肥瘦均勻，夠薄身又唔韌，而且肉味濃郁，加埋麻辣湯底一流啊！仲有皇帝雞件都係令我哋眼前一亮！雖然花膠雞湯已經食完半隻雞，但係雞肉粉嘅我唔放過再嗌雞嘅機會∼雞肉鮮甜又嫩滑，好高質！而且非常入味，份量半份都好多∼牛柏葉(毛肚)都係打