焱川

營業中

休息中

灣仔其實有好多好食的餐廳，分佈係橫街小巷中，係等你發現。今次去呢間係公司好多女同事都話好食的日式餐廳，先睇餐牌，價錢都算合理，就叫左角切魚生飯。點完菜就黎左個小食同湯，今日個小食係炸三文魚皮！睇落係下欄野，但佢整得好好食好香口，同埋魚皮最緊要夠脆！呢份魚皮十分好！到魚生飯，黎到賣相唔算好特別，同其他餐廳差唔多，但食落又係另一個故事。平時魚生飯其實好少魚生，通常都係飯多過魚生，但呢間個飯同魚生比例真係差唔多一比一，我食曬飯仲有魚生係度，侍應話可以添飯，就即刻叫多碗！講真，魚生算新鮮，無雪味，以一碗魚生日黎講真係合格以上！美中不足係今日無曬甜品，下次再試～