影片
更多
2020-10-12
477 瀏覽
前幾日睇咗一本關於客家私房料理嘅書，突然心思思，好想去食客家菜。上網睇咗好多資料，見有不少人推介長沙灣青山道呢間「客家人」，趁今日有得收早，過嚟試下。餐廳地方好大，佔地兩層，環境開揚闊落，除咗地面用餐區之外，樓上仲設有幾間 VIP 房，私穩度極高，很適合家庭或朋友來聚餐。先睇餐牌，原來除了主打的客家小菜外，餐廳還有粵菜、生猛海鮮、盆菜，甚至私房菜等供應。夥記同老闆娘都好客氣又友善，知道我哋係第一次嚟，仲好熱心咁介紹菜式。言談間得知原來餐廳喺 2008 年創立，已經有成 12 年，原本舖頭喺太子花園街，舊年擴充先至搬嚟長沙灣。我哋點咗三個小菜：黃酒煮雞湯、炆燉扣肉 同 西蘭花炒帶子。藥膳黃酒煮雞湯 ($168/半隻)，黃酒煮雞是客家婦女坐月的傳統食品，湯中會加入木耳作調理身子之用。這裡的版本當然亦不例外，而且湯內還放進了大量補身嘅藥材，好似紅棗、黨參、黃芪等。湯頭味道非常香甜，雞肉嫩滑有酒香，吃罷面孔發熱，肚皮暖笠笠。跟住試下這一道甚考手藝及火候的家常菜：農家炆燉扣肉 ($108)。扣肉用上新鮮五花腩製作，腩層肥瘦相間，入口糜爛酥香，肉嫩不膩。梅菜清甜，香味完全滲入肉中，而且份量亦下得剛
前幾日睇咗一本關於客家私房料理嘅書，突然心思思，好想去食客家菜。上網睇咗好多資料，見有不少人推介長沙灣青山道呢間「客家人」，趁今日有得收早，過嚟試下。
餐廳地方好大，佔地兩層，環境開揚闊落，除咗地面用餐區之外，樓上仲設有幾間 VIP 房，私穩度極高，很適合家庭或朋友來聚餐。
先睇餐牌，原來除了主打的客家小菜外，餐廳還有粵菜、生猛海鮮、盆菜，甚至私房菜等供應。
夥記同老闆娘都好客氣又友善，知道我哋係第一次嚟，仲好熱心咁介紹菜式。言談間得知原來餐廳喺 2008 年創立，已經有成 12 年，原本舖頭喺太子花園街，舊年擴充先至搬嚟長沙灣。
我哋點咗三個小菜：黃酒煮雞湯、炆燉扣肉 同 西蘭花炒帶子。
藥膳黃酒煮雞湯 ($168/半隻)，黃酒煮雞是客家婦女坐月的傳統食品，湯中會加入木耳作調理身子之用。這裡的版本當然亦不例外，而且湯內還放進了大量補身嘅藥材，好似紅棗、黨參、黃芪等。湯頭味道非常香甜，雞肉嫩滑有酒香，吃罷面孔發熱，肚皮暖笠笠。
跟住試下這一道甚考手藝及火候的家常菜：農家炆燉扣肉 ($108)。扣肉用上新鮮五花腩製作，腩層肥瘦相間，入口糜爛酥香，肉嫩不膩。梅菜清甜，香味完全滲入肉中，而且份量亦下得剛好，醬汁香噴噴，濃而不肥，用嚟送飯一流。墊底嘅白菜仔，味道亦不錯，既清爽又不油膩。。
西蘭花炒帶子 ($108)，西蘭花炒得甚爽口，而且保持翠綠，味道清新。帶子大小中等，肉質鮮甜彈嫩，配埋草菇、韭黃、紅蘿蔔等一起吃，口感非常豐富。
估唔到食完飯仲有甜品送，係木瓜雪耳糖水， 入口非常冰凍，清甜滋潤，一啖啖膠原蛋白，滋陰潤肺。沒想到這間街坊小店，價錢咁大眾化，菜式夠正宗又美味，而且抵食夾大件，絕對值得一讚。
張貼
