大瀛喜日本料理 (已結業)

呢日嚟到旺角呢間大瀛喜食放題，旺角咁多間放題店後講呢度都真係算高質，佢有好多唔同嘅款式，刺身、炸物、鍋物等等，佢嘅熟食都非常之好食！一入到去店員就安排咗個卡位俾我哋，坐得好舒服，嘢飲就喺出邊自己自助咁拎，佢唔到佢嘅中式湯，非常之好飲！我哋一嚟就落咗刺身先，上菜嘅速度都好快，大概等咗唔夠五至10分鐘到就已經上咗我哋落嘅刺身，刺身每塊都好肥美同埋冇筋，食得出好新鮮！我哋都食咗兩round刺身！至於熟食方面，芝麻雞翼就更加係每次放題一定要食嘅！佢都有好多唔同種類嘅壽司可以比大家選擇，如果同行有唔識生野嘅人，熟食都有好多選擇！最後食埋杯Häagen-Dazs雪糕真係非常之滿足～