影片
更多
2021-12-19
36 瀏覽
慶祝拍拖紀念日，因為我好鍾意食意粉，而且對意粉口感好有要求，今日男朋友帶咗我去一間出名手工意粉嘅餐廳！就係喺尖沙咀嘅Attic。位於尖沙咀嘅呢一間fine dining身處嘅商場感覺好新同埋餐廳舖面都好靚，入到去店員都好有禮貌咁樣serve我地，又同我哋講解餐牌上有咩推薦，非常親切嘅服務態度。落單之後，就有餐包食，呢度嘅餐包唔知係咪自己烘焙嘅呢！口感好鬆脆，感覺同其他餐廳嘅餐包好唔同，仲有佢嘅牛油係加咗啲海鹽，食落特別惹味，好好味。前菜首先有個三文魚撻同埋日式醬油漬糖心蛋黃多士，煙三文魚好香，下面再加咗d酸酸地甜甜地嘅醬，兩樣嘢撞埋一齊好好味！個多士嚟到好驚喜，糖心蛋真係一粒粒排喺度，賣相好靚，上面嘅魚子醬都感覺好高級，聞到好香嘅味。食落更加係非常之驚人，口感好立體，上下兩塊多士都好鬆脆，但係又完全唔會有好熱氣𠝹到口嘅感覺，夾上糖心蛋嘅口感，真係好好味，口感味道都有少少似甜品，又勁香，成個菜嘅調味都係好精彩，真係超好味，唔識形容，淨係知道喺第二度係食唔到呢隻味！之後係一個蟹黃意大利雲吞，呢個菜式嘅份量比較少，只有一個意大利雲吞，不過一粒嘅size都幾大～意大利雲吞嘅pasta部份口感好
位於尖沙咀嘅呢一間fine dining身處嘅商場感覺好新同埋餐廳舖面都好靚，入到去店員都好有禮貌咁樣serve我地，又同我哋講解餐牌上有咩推薦，非常親切嘅服務態度。
落單之後，就有餐包食，呢度嘅餐包唔知係咪自己烘焙嘅呢！口感好鬆脆，感覺同其他餐廳嘅餐包好唔同，仲有佢嘅牛油係加咗啲海鹽，食落特別惹味，好好味。
前菜首先有個三文魚撻同埋日式醬油漬糖心蛋黃多士，煙三文魚好香，下面再加咗d酸酸地甜甜地嘅醬，兩樣嘢撞埋一齊好好味！
個多士嚟到好驚喜，糖心蛋真係一粒粒排喺度，賣相好靚，上面嘅魚子醬都感覺好高級，聞到好香嘅味。
食落更加係非常之驚人，口感好立體，上下兩塊多士都好鬆脆，但係又完全唔會有好熱氣𠝹到口嘅感覺，夾上糖心蛋嘅口感，真係好好味，口感味道都有少少似甜品，又勁香，成個菜嘅調味都係好精彩，真係超好味，唔識形容，淨係知道喺第二度係食唔到呢隻味！
之後係一個蟹黃意大利雲吞，呢個菜式嘅份量比較少，只有一個意大利雲吞，不過一粒嘅size都幾大～意大利雲吞嘅pasta部份口感好煙韌，蟹黃嘅汁好先好香，係一個好開胃嘅前菜～
之後就到最期待嘅意粉啦！
我哋叫咗個雞扒白湯意粉，佢嘅意粉口感真係同出邊嘅好唔同！好彈牙，係比較有咬口嘅，非常適合我，因為我好鍾意啲好有咬口嘅意粉！好鍾意咬佢嘅意粉！雞扒方面佢都煎得好香，記得店員話佢係用慢煮嘅方式去做，食落口感好滑，意粉嘅白湯亦都好香，滿意～
然後我哋仲叫咗一個龍躉花膠大蜆，因為見呢一間西餐廳竟然有一個好似好中式嘅菜式覺得好特別，所以就叫黎試吓～估唔到佢嘅龍躉係南極深海牙魚，店員話佢係香港係好罕見嘅食材，所以我哋都幾驚喜，然後佢下面浸住嘅魚湯係用蕃茄熬製而成，完全冇加味精，可以直接飲。
第一次食呢一種魚，覺得佢嘅魚味好鮮好香，魚肉好滑，而且佢呢個部份係好大舊嘅肉，幾乎冇骨，成分菜式只有兩條好大嘅骨，食起上嚟好方便，完全唔需要lur骨，啱晒我呢啲好怕麻煩嘅人～下面嘅魚湯亦都好鮮甜，魚味好重，鍾意魚湯嘅人一定唔可以錯過。佢入邊仲浸左大顯同埋少少花膠，花膠正就唔使講啦，佢嘅顯都好驚喜，超級新鮮！係真係食到一種鮮甜嘅味道。呢度嘅食材真係好講究！
最後就係甜品啦，我哋叫咗個檸檬撻，份量比想像中大，廚師建議我哋檸檬撻嘅部份同蛋白一齊食，配搭出嚟酸酸地甜甜地嘅口感就可以互相中和返，呢個食法好好， 成分甜品好好味，為咗我哋嘅晚餐畫上一個完美嘅句號～
滿足嘅一餐
張貼
