孖啡 (已結業)

香蒜白酒蜆意大利粉上菜已經聞到好香嘅蒜香味 賣相亦都唔錯 意大利粉軟硬適中 白酒會唔會好重 蜆亦都好新鮮冇沙 而且好多隻 全日早餐牛角包仲好脆口 沙律菜就加咗少少日式麻醬 而佢嘅腸仔唔係普通腸仔 似係一啲雞肉腸 咬落去好Juicy 好香 Latte 咖啡味唔會好重 反而係偏多牛奶味 所以整體感覺好溫和 幾適合怕苦嘅朋友 玫瑰花洋甘菊茶 推介👍🏻好香嘅洋甘菊， 打開睇吓個茶膽玫瑰花同洋甘菊嘅份量都好多 所以飲落個味都好出地點都好近地鐵站，大概油麻地站行3分鐘。裏面主要都係卡位而且都幾寬敞。當日佢係食午餐價錢都比較平， $100都唔使就一個餐加杯嘢飲 見到佢仲有得加$28 $38要啲湯或者甜品，整體都幾抵食 而且都多選擇。 見到佢有啲boardgames 俾人哋玩 幾適合約埋啲朋友上嚟食下嘢傾吓偈又玩下。