內地著名榴槤pizza店擴張，喺新界美食沙漠-馬鞍山 11月15日正式營業啦！
🥢真果肉貓山王榴槤披薩（9吋手拍餅底） 💰249
個餅底係手拍嘅，食落去軟熟嚟帶啲煙韌，仲有少少麵粉香。一咬開就食到滿滿嘅貓山王榴槤果肉，味道濃郁到好似直接食緊榴槤咁，仲要拉絲拉到勁長。
芝士同榴槤嘅油脂香融為一體，食落完全唔覺膩，個餅邊烘到脆脆哋，成個配搭真係冇得輸
🥢法式烤三黃雞（半隻）💰99
雞皮燒到薄脆香口，帶少少焦香，入面嘅雞肉依然好嫩滑，仲有肉汁鎖住喺裡面
醃料嘅香草同蒜味滲透晒入去，唔使點醬都已經好夠味。旁邊伴碟嘅土耳其香辣土豆好惹味，外面香脆內裡粉糯，辣辣哋好過癮。仲有羽衣甘藍同車厘茄，羽衣甘藍用油醋輕輕撈過，爽口解膩，車厘茄烤過之後更加清甜，成個配搭好豐富
🥢開心果牛油果奶昔💰59
飲落去質地好順滑，牛油果嘅青香同開心果嘅堅果味撈得幾勻循，甜度調得啱啱好，唔會太假。每啖都會飲到細細粒嘅開心果碎，增加咗唔少口感。飲完成杯之後個喉嚨感覺好舒服，唔會黐立立，同啲濃味食物幾夾，如果牛油果味重啲就更加好
🥢百香果風情特飲（凍）💰33
一飲就飲到百香果獨有嘅酸甜味，好清新
開胃，裡面仲有啲細細粒嘅果肉，咬落去卜卜聲。冰量同甜度都控制得幾好，唔會搶咗生果本身嘅風味。尤其係食完啲濃嘢之飲一啖，個口即刻清爽晒
🥢日式黃金吉列炸蝦 💰69
外層炸到金黃色，咬落去脆卜卜，但一啲都唔油。入面隻蝦仲保持到彈牙同鮮味，唔會炸到乾晒。點少少佢哋跟嚟嘅他他醬，微微酸味更加帶出蝦嘅甜，食完一隻都唔會覺得滯
✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫
加🔟服務費：✅
💰人均消費：$200
