麺屋こころ (新城市廣場一期)

營業中

休息中

第一次系食飯時間去見到排大隊結果冇去食，今日特登五點就去到，直接點海膽撈麵同一杯抹茶拿鐵。杯抹茶OK好飲但唔建議食呢個撈麵既時候飲，因為碗麵雖然唔大碗，但其實好飽肚下，而杯抹茶基本就係一杯奶，我就係因為杯抹茶搞到自己太飽，想再叫個白飯撈啲海膽湯食都唔得，完全飽到食唔落！至於碗麵，鍾意食海膽既一定滿意，除左面上面嗰塊海膽外，個湯底都應該用左唔少海膽同忌廉打出黎既，海膽味好濃，而且幾鮮，絕對唔係用海膽醬溝出黎。麵質比較似烏冬，比較厚身同彈牙，用黎撈呢種濃湯真係好夾。188一碗有呢種質素唔算貴，短期內一定再去，試埋撈飯