心鉄板燒

營業中

休息中

先來前菜有野菜沙律同南瓜蟹肉蓉。湯品我揀左龍蝦湯，好濃滑，龍蝦味好突出。鱈場蟹 - 兩款食法，第一款係品嚐原本嘅鮮味；另一款係蟹肉上塗上蟹膏同牛油，兩者各有吸引之處。甘鯛魚配忌廉豬骨汁 - 魚肉則非常嫩滑，鱗片一層則炸至非常脆身，口感一流，非常美味。鵝肝漢堡 - 以荷葉包包住鵝肝。鵝肝非常甘香，加上黑醋減輕油膩感。荷葉包底煎先至金黃香脆，整體味道不錯。神戶黑豚厚燒/ 豚肉薄燒配蘋果蓉 - 黑豚厚燒肉嫩多汁；薄燒豚肉包住泡菜，口感爽脆，而且少少辣幾惹味。怕膩可以配上清新蘋果蓉。櫻花蝦高菜漬炒飯 - 本身已經好飽，但呢度炒飯平凡卻美味，不禁令我食清光。甜品揀咗開心果雪糕配焦糖脆多士，冷熱交融，非常滿足。