1
呢個算係餐前小食，份量唔多，但係已經好好味，食完之後會好開胃，牛油果切到一粒粒，好新鮮，好creamy，金䱽魚亦都係切咗一片片，魚肉好鮮甜，好嫩，加埋少少芥末，辣辣地，正！
炸軟殼蟹🫶🏻
呢個炸軟殼蟹真係超級出色，一大隻軟殼蟹原隻拎去炸，炸粉好薄，啱啱好包住啲軟殼蟹，炸到出嚟完全唔會覺得油膩，軟殼蟹都好多膏，好新鮮，新鮮熱辣咁食，超爽！
三文魚牛油果沙律🤟🏻
呢個沙律亦都好好食，三文魚同牛油果嘅份量配搭得啱啱好，三文魚好肥美，肉質好好，同牛油果一樣都係好滑身，加埋其他菜，好fresh好好食！
壽喜燒式鍋烏冬🫰🏻
呢個壽喜燒好豐富，有好多牛肉大蔥豆腐呢啲材料，牛肉好腍好嫩，豆腐亦都好滑，主角之一嘅烏冬亦都麵質好好，好煙韌，好滿足。
