洪師父牛肉麵

營業中

休息中

係大嶼山玩左成日，本身都知東涌唔太多野選擇，但而家好多鋪都１０點關門，出得市區排得隊黎都餓死，就同朋友們搵左間台灣麵食。排排下隊發現佢係咩得獎既食店，個台灣麵係唔知邊度既冠軍咁款。唔睇都還好，睇完緊係充滿期待啦。個門口仲話做緊promotion，有指定信用卡可以食指定既麵買一送一。選擇有３種，分別係紅燒半筋半肉麵，紅燒半筋半肉麵同麻麻雪花牛肉麵。我同朋友就叫左半筋半肉同麻麻雪花牛肉。一行５人，位少人多，都知要分開２，３人咁坐。唔知係咪溝通不足啦，等左勁耐，見住好多２人３人咁入去，我地就係出面等。以為店員唔記得左我地啦，問下，就好似有少少燥我地話記得，話安排緊咁。黎到呢度都唔太滿意啦，好啦照等。等到終於入左去，叫個麵食。點知比左個期待你，個失望係仲大。叫左個麻麻雪花牛肉麵，成個面得２塊肥牛……相都唔想影，拿拿林食完走人算。