喜華餐廳

營業中

休息中

同朋友食T，叫咗兩個下午茶餐，連埋兩杯嘢飲，90蚊，唔算太平，質素一般。賣相唔差嘅海南雞飯，略嫌佢少咗啲蔬菜類，畢竟係用黎解膩嘅。雞夠嫩滑，可惜有骨，部份肉/皮有渣，但以四十幾蚊黎講算理想。銀芽肉絲炒麵，正路，無咩驚喜，但好滿足。失望嘅紅豆冰，少紅豆，用幼飲管，紅豆清得七七八八果陣嘅紅豆冰真係唔好飲。鮮燈冰紅茶，以橙取代檸檬，感覺新鮮，不過試多幾啖又覺得未算好驚艷。整體黎講其實唔差，但略嫌少少貴。