杏甜品 (豉油街) (已結業)

上次食過燉雙皮奶幾鍾意佢唔係滑嘟嘟反而有啲口感嘅texture，今次再試埋好似都幾多人點嘅自家製湯圓，有抹茶、榴連、芝麻、花生芝麻同奶皇口味。初嚐試返最鍾意嘅芝麻味，不過不失，皮薄芝麻餡唔太甜(有趣嘅係我食到榴蓮味🤣，莫非mix up啶榴蓮餡？），口感唔偏軟稔唔係煙un，#芝麻控 嘅話值得試，煙un控就可以諗諗。同場加映係之前話過想試嘅 #芝麻糊！配木蓮凍一流一「傑」，撈埋一齊質哋啱啱好唔會太膩，不過亦溝淡咗個芝麻味🤧。至於另一招牌杏仁茶有比較特別嘅「吸吸version 」，杯裝就冇杏仁糊咁heavy，杏仁味香濃，配木蓮凍、桃膠、小丸子等等都唔會違和，係養生味濃嘅「廢水」。