Bakehouse by Grégoire Michaud

營業中

休息中

約咗幾個鄰居出嚟沙田食飯，我早到咗攞籌先，點知攞完位之後轉個頭返嚟佢已經停止派飛。嗰陣時只不過係18:30咁上下。之前食過佢啲冬甩同埋蛋撻都幾好食，對佢呢個西餐都有一定嘅期望。但係期望太多就會換來失望。叫咗三個main course同埋兩個side dishes。本來想嗌薯條，但係薯條沽清，會唔會誇張咗少少？咁就叫時拉差沙律，但怕辣，因為鄰居做老師要護着把聲，點知食落去完全冇辣感。個魷魚粒啲醬係好食嘅，但係個魷魚粒就割喉咗少少。春雞都算細心，已經開好咗四件同埋大部份嘅骨都起咗出嚟。但係就唔係嫩有少少過咗火喉。最失望都係塊和牛，已經叫五成熟，但係無論邊位定係身位啲肉都係鞋同埋冇牛味。連側邊嗰條牛骨髓都係無味嘅，懷疑自己究竟食緊d咩。成餐晚餐比較出色少少就係塊豬扒，個職員好細心講解呢一道菜有幾特別，佢真係好特別拍得好薄，薄到好似四層廁紙咁，最惹味都係中間啲芝士。整體嚟講建議專心做好麵包就好了。