花楽 (翩滙坊) (已結業)

將軍澳除咗好多新樓宇，海旁附近亦多了很多特色餐廳，今日就嚟到一間「花樂」日本餐廳食餐日本菜，入到餐廳裝修好靚帶有日本風格。餐牌上亦有各式各樣日本美食選擇。脆炸日本薯片配沖繩黑糖薯片炸得脆卜卜，黑糖漿不會太甜，甜度適中，加入少量菊花花瓣做點綴，又靚又好食。三文魚腩刺身擺盤好靚，三文魚每一片都切得好厚，入口每一啖充滿魚油香，非常肥美，而家仲做緊半價優惠，性價比高。壽司有我最鍾意嘅壽司都做緊半價當然要每樣食啲啦！我們點了日本海膽軍艦、甜蝦壽司、中拖羅壽司同和牛壽司等，海膽是用了馬糞海膽，每一件都份量不少，海膽入口甘香好creamy,甜蝦先甜爽口，拖羅入口充滿魚油香，和牛壽司牛味香濃。安格斯牛肉鍋配料分量十足，有豆腐、冬菇、金菇、娃娃菜及烏冬，湯底熱辣辣味道甜甜地，配菜連埋湯底一齊食暖笠笠好好食，牛肉色澤鮮紅，牛肉味濃郁，好鮮嫩😋串燒七味阿波美雞心，雞心好爽口加入少量檸檬汁酸酸地好開胃，七味醬油燒雞肉，雞肉燒得鮮嫩多汁，好入味👍最後食埋個檸檬雪芭做甜品，呢一餐非常滿足🥰