牛舞日本燒肉‧涮涮鍋放題 (1亞太中心) (已結業)

第一次嚟諗住試個薩摩和牛。。。一個字「韌」，原本冇諗過寫食評，所以一直冇影相。。。直到埋單嗰刻真係頂住條氣，兩個人俾 $1400 幾蚊食垃圾。。。認真谷氣！個薩摩和牛價錢係 $668/位，但係我同男友食一件 lur 一件，比起 $368/位嘅 US Prime，佢嘅質素真係差幾皮，所以我話只值一半價錢。 我同男友只吞到 US Prime，薩摩和牛韌到全 lur。至於服務，放題時間係 120 分鐘，平價嘅例如雞肉就一早送餐到桌，貴價嘅牛同刺身就追咗 3 次事隔半個鐘先送到。。。好有被騙嘅唔舒服感覺。唯一可取嘅係座位幾舒服，但係要坐得舒服，我去傢俬舖啦，唔使嚟呢度。。。總結：真心失望！