影片
更多
2019-08-18
60 瀏覽
今次要介紹呢間餐廳因為👧🏻去食個日唔係好舒服，唔可以好詳細咁介紹，但就係因為食左少少都已經覺得好好味，所以決定都係要介紹左俾各位朋友仔先🤣呢間餐廳主打西班牙菜既，餐廳既佈置有種西部酒吧既感覺，氣氛同環境都好舒服，食物方面分左冷熱盤、主食、小食同甜品，飲品方面有酒精或者無酒精飲品都有，好適合一班朋友仔過黎chill下😉個日👦🏻👧🏻就試左血橙燒牛柳沙律、西班牙薯仔蛋餅、西班牙海鮮鍋飯、炸西班牙油條配朱古力醬同埋Virgin Sangria🍸血橙燒牛柳沙律既口感好豐富，因為除左沙律菜、牛柳、血橙同鮮橙之外，上枱之前仲加左啲春卷脆脆，橙既酸甜味中和左牛柳既油膩感，係一個好開胃既前菜👍🏻西班牙薯仔蛋餅係👦🏻👧🏻個晚就好想再encore既菜式，雖然蛋餅既材料唔多，但就係個種會吸引你一嗒接一嗒食落去既味道，蛋餅非常厚身，外層有微微既焦香，而內層就係流心嫩滑既蛋加埋軟淋既薯仔，再加埋表面個層微辣同微酸既醬汁，真係好好味西班牙海鮮鍋飯上枱既時候真係用個鍋仔咁上，而且上枱個陣香氣撲鼻🤤飯上面舖滿左蜆、青口、蝦同魷魚，而每一粒飯都已經煮到橙紅色，每一嗒都食到海鮮既鮮甜味同香草既味道，不愧係西班牙菜其中一樣必
呢間餐廳主打西班牙菜既，餐廳既佈置有種西部酒吧既感覺，氣氛同環境都好舒服，食物方面分左冷熱盤、主食、小食同甜品，飲品方面有酒精或者無酒精飲品都有，好適合一班朋友仔過黎chill下😉
個日👦🏻👧🏻就試左血橙燒牛柳沙律、西班牙薯仔蛋餅、西班牙海鮮鍋飯、炸西班牙油條配朱古力醬同埋Virgin Sangria🍸
血橙燒牛柳沙律既口感好豐富，因為除左沙律菜、牛柳、血橙同鮮橙之外，上枱之前仲加左啲春卷脆脆，橙既酸甜味中和左牛柳既油膩感，係一個好開胃既前菜👍🏻
西班牙薯仔蛋餅係👦🏻👧🏻個晚就好想再encore既菜式，雖然蛋餅既材料唔多，但就係個種會吸引你一嗒接一嗒食落去既味道，蛋餅非常厚身，外層有微微既焦香，而內層就係流心嫩滑既蛋加埋軟淋既薯仔，再加埋表面個層微辣同微酸既醬汁，真係好好味
西班牙海鮮鍋飯上枱既時候真係用個鍋仔咁上，而且上枱個陣香氣撲鼻🤤飯上面舖滿左蜆、青口、蝦同魷魚，而每一粒飯都已經煮到橙紅色，每一嗒都食到海鮮既鮮甜味同香草既味道，不愧係西班牙菜其中一樣必食既菜式呀。
炸西班牙油條可以話係西班牙既名菜，每次見到都好想試，因為砂糖同玉桂粉配合埋炸得好香脆既麵粉條，個陣香味同埋獨特既味道都係獨一無二既；而Virgin Sangria就係一個好驚喜既飲品，因為眾所週知Sangria係有紅酒既飲品，而如果唔飲酒既朋友仔點算呢？呢間餐廳就設立左一杯Virgin Sangria，用左提子汁做個base，加埋啲蘋果粒，同Sangria好似，所以👦🏻就好鐘意飲🤤
每次都會透過以下6大方面評分(滿分:30分)
味道 : 4.5 / 5
環境 : 4.25 / 5
外觀 : 4.5 / 5
價錢 : 3.5 / 5
服務 : 5 / 5
回頭率 : 5 / 5
總分 : 26.75 / 30
性價比：個晚👧🏻唔係幾舒服，所以有趴係張檯度休息，店員行埋黎有主動道歉話sorry要你地等得耐啦，仲關心有咩事，呢份溫暖真係令👦🏻👧🏻都好驚喜，而且餐廳既食物、飲品、環境都令人好滿意，店員同👧🏻講身體好番一定再黎，👦🏻👧🏻都好肯定答佢「一定！」
張貼