火鍋撚 (雲明行) (已結業)

中環雲咸街食店眾多，要搵食一d 都唔難，不過要搵一間又高質又岩自己胃口嘅，就真係要花少少時間！今次同朋友黎到火鍋撚，淨係聽個名已經感覺到對火鍋嘅熱情🤣我同朋友都偏愛台式火鍋，而麻辣湯底就係我哋嘅最愛！入到店內，店員已經殷勤招待，介紹火鍋湯底及如果下單，得閒嘅時候又會同我哋傾吓計，詢問食材質素👍🏻祖傳秘製麻辣鍋$160朋友雖然喜歡食麻辣火鍋，但唔係食得辣，所以我哋叫咗小辣。湯底香濃，麻辣味不重。火鍋內有鴨血及蜂巢豆腐，湯底越搵越入味，令人越食越想食。我同朋友追加左3次蜂巢豆腐（免費）日本A4特級霜降和牛170g(小） $389牛肉味濃，油脂均勻，肥而不油膩，灼6秒剛好極品安格斯肥牛（小）$193肉質嫩滑，有口感流心鹹蛋黃豬肉丸（半份）$49、黑松露菌醬爆漿牛丸（半份）$59外表平凡，但內裏有乾坤，小心爆漿🫣營養綜合菇（半份）$57好彩可以選擇半份，而且仲可以試到唔同嘅菇，好抵🤣埋左單之後會送糖水，起初對腐竹雞蛋糖水興趣不大，但原來係腐竹糖水沙冰，而且用古代酒杯裝住，好特別。