家嫂

營業中

休息中

一張圓枱坐晒，每人328任飲任食小食，雞煲和海鮮火鍋，刺身只係一次。食物方面一般，但態度奇差！問佢點落單，佢話自然上菜，依次序由小食，刺身，雞煲同火鍋。小食上菜冇每人一件，要再叫先來！然後食蝦多士，食完再encore 時冇影！追單的時候就話我地取消左order, 我哋都冇講過問佢駛唔駛錄音證明！個女侍應即刻啤住我十秒！火都嚟！然後上雞煲，個煲一人一舊雞都冇，再添D雞又唔熱，開大個火個侍應又同你收細佢！到食火鍋的時候，侍應話個電磁爐壞咗，要用gas爐。仲話個個都係咁！雞煲已經唔夠熱！仲用個銅鍋打邊爐！叫佢俾多個gas 爐一齊用，佢話公司規矩唔可以！叫我地滾耐D！我地話有排先滾喎！跟住我哋話食落肚肚痛就唔好啦！個侍應先同所謂的經理講，然後換咗個電磁爐。仲一路換一路講你好嘢！隔離張枱仲慘，食食吓冷氣機漏水柱，仲要講無辦法！累到有兩三個客為避雨企左係度食，最後隔離班客投訴先將張枱移開啲！班侍應服務態度非常差，冇下次囉！