蘇哥清湯腩

營業中

休息中

4月13號晚上19點56分26秒進入蘇哥，見到店內好多位就諗住坐低食過輕便晚餐，付款離開都係20點26分36秒，點知搞到我倆一肚氣🤬我哋叫咗一碗紫菜三寶丸麵、一碗豬手麵、加配小食雞中翼兩隻，合共$108 食品質素差到爆⋯⋯湯底鹹到不得了，而豬手太韌，三寶丸簡直係平價貨垃圾丸。唯獨雞中翼較為好。奉勸有三高嘅人仕，切勿去食免得吸收過多鹽分影響身體。服務態度好差⋯⋯事原我老公先吃完碗麵，食緊雞翼，而我仲食緊碗麵，我倆低頭食嘢中，有位夥計不作聲就伸隻手嚟要收走我老公吃完嘅碗，第二次另一位夥計又係不作聲⋯⋯又嚟想收走我的碗，我當時真係😡，點解只係短短半個鐘食嘢時間，已經受到𣎴停滋擾😡，我哋隔離枱的食客食完兼出去洗手間，佢哋啲夥計又唔去收走那位客人的碗，反而就不停滋擾我哋。店內又唔係爆滿，仲有好多位，店舖外亦沒有人等候中。有今次無下次，以後都不會來食。