影片
更多
2025-05-14
0 瀏覽
同老公結婚周年，老公揀左呢間，試下先。我地遲左訂，bar 枱full 左，所以我地座下面既枱。不過唔緊要，以前都食過鐵板燒，所以都見過廚師煮既情況。佢既餐單都有幾款，有一人SET 同二人set 既價錢，佢可以叫兩個唔同既餐都可以有2人餐既優恵。👍🏻今日我地叫左琵琶蝦聖子餐同埋A5和牛龍蝦鮑魚餐，我哋另加咗一份鵝肝配多士。因為本來想加錢鵝肝炒飯，但係店員好熱心咁介紹，話鵝肝炒飯其實食唔到鵝肝，如果真係想食，就散叫一份。前菜當然有漬物，沙律同埋茶碗蒸，另外佢都有生蠔刺身配柚子汁。味道唔難食，但係唔知點解冇乜味道，例如生蠔冇鮮味，但又唔係壞咗。我同老公都有同一感覺。店員服務好好，知道你哋想打卡，主菜喺拎去燒之前會拎俾你哋大合照同佢影相之後先拎去俾師傅鐵板燒。呢樣嘢要加分。慢慢主菜上台，琵琶蝦話係當日新鮮，但係唔知點解我同老公都食唔出琵琶蝦嘅彈牙；而個龍蝦都唔錯，龍蝦肉都算彈牙，個龍蝦頭同琵琶蝦頭店員叫我哋唔好食住，因為轉頭會拎去放湯。蟶子同埋鮑魚就唔錯，但係都係覺得冇海鮮嘅鮮味，最主要係佢個醬汁嚟幫佢提升個味道。佢個A5和牛入口即溶，肉質嚟講係唔錯嘅，但係都係嗰句，冇牛味😝而佢個薄切和牛包住
我地遲左訂，bar 枱full 左，所以我地座下面既枱。不過唔緊要，以前都食過鐵板燒，所以都見過廚師煮既情況。
佢既餐單都有幾款，有一人SET 同二人set 既價錢，佢可以叫兩個唔同既餐都可以有2人餐既優恵。👍🏻
今日我地叫左琵琶蝦聖子餐同埋A5和牛龍蝦鮑魚餐，我哋另加咗一份鵝肝配多士。因為本來想加錢鵝肝炒飯，但係店員好熱心咁介紹，話鵝肝炒飯其實食唔到鵝肝，如果真係想食，就散叫一份。
前菜當然有漬物，沙律同埋茶碗蒸，另外佢都有生蠔刺身配柚子汁。味道唔難食，但係唔知點解冇乜味道，例如生蠔冇鮮味，但又唔係壞咗。我同老公都有同一感覺。
店員服務好好，知道你哋想打卡，主菜喺拎去燒之前會拎俾你哋大合照同佢影相之後先拎去俾師傅鐵板燒。呢樣嘢要加分。
慢慢主菜上台，琵琶蝦話係當日新鮮，但係唔知點解我同老公都食唔出琵琶蝦嘅彈牙；而個龍蝦都唔錯，龍蝦肉都算彈牙，個龍蝦頭同琵琶蝦頭店員叫我哋唔好食住，因為轉頭會拎去放湯。
蟶子同埋鮑魚就唔錯，但係都係覺得冇海鮮嘅鮮味，最主要係佢個醬汁嚟幫佢提升個味道。
佢個A5和牛入口即溶，肉質嚟講係唔錯嘅，但係都係嗰句，冇牛味😝
而佢個薄切和牛包住啲菇嚟一齊食，唔錯嘅，因為啲菇係會減輕啲肥膩感
而頭先食剩嘅龍蝦頭同埋個琵琶蝦頭佢用嚟放湯，但係我同老公都係只係煮好嘅麵豉湯，將啲蝦頭放落去煲一陣，其實個湯完全冇龍蝦味或者鮮味。🤦🏼♀️
反而我冇加錢嘅炒飯有驚喜，佢會叫你食淨一半變茶漬飯，呢樣嘢幾好。
但係我以為鐵板燒有炒野菜，呢度係冇嘅。😳
而佢依度嘅甜品，只係一球雪糕，感覺就普通咗啲，我最後自己加錢要咗一個焦糖多士，味道可以啦。
因為我地周年紀念關係，餐廳好有心整左個甜品俾我地影相，打卡好喇，唔好講味道🥺
值得一提係佢地填既手工啤酒好啱我飲，好好飲👍🏻👍🏻
整體嚟講，店員服務一流，會不停同你打卡影相，會介紹你食物次序；另外，咁嘅價錢，有咁多樣嘢嘢食，都係可以試吓鐵板燒嘅；但係以食物質素嚟講，就一般啦，一般都冇乜鮮味。
整體味道指數：😋😋/5
性價比：💰💰💰/5
環境：❤️❤️❤️❤️❤️/5
服務：✅✅✅✅✅/5
（其實我影左好多食物相，但OpenRice 只準上載原圖，拼圖果啲都要delete 晒， 俾唔到大家睇🫢🫢）
張貼
