Passion (已搬遷) 新店位置

同朋友係灣仔食完lunch唔夠喉想食甜品，於是就尼到衣家有大大個甜品櫃同幾多款唔同野食既cafe，衣度既甜品櫃相信係女仔見到都無法抗拒，本人亦唔例外。三點幾去到間舖已經坐滿晒人，仲有啲人等緊位，不過等左一陣好快就有位。有啲肚餓所以叫左個沙律，甜品就揀左拿破崙。Mille Feuille賣相已經好吸引，上層係雲喱嗱味，下層拖肥味非常突出，好香濃，酥皮好鬆脆，成個甜品唔會太甜。Salad細salad可以揀三個款，我揀左雞肉，通粉同紅菜頭。紅菜頭個人認為有啲酸，不過酸酸地幾開胃。通粉沙律係大大料貝殼粉撈埋啲沙律醬，啲沙律醬好好味配埋啲粉好正。雞肉沙律有好多碎左既西芹，個沙律醬同通粉果隻既味差唔多。