影片
更多
2023-08-02
93 瀏覽
朋友介話依間新開菜館有驚喜，話好啱我依d 鍾意多款式又嘴刁嘅人。咁好啦，見唔係好遠係大角咀，旺角行過去都好快就約埋個friend 去試下，反正唔知食咩。一去到見門面都好企理，入面裝修幾有特色，就快快趣入去坐低唔洗咁熱。老細好好咁問我地係咪好熱，就安排左我地係個較涼嘅卡位。叫左兩枝啤酒就睇下有咩食，一打開本 menu 睇都真係幾多款式，見主打潮式沙鍋粥，仲有好多川式菜款，同埋仲有我friend 好鍾意嘅串燒。拿拿林叫左兩個涼伴小食送下酒，一個麻辣魚皮勁惹味，另一個青瓜花甲又係正，小食黎講份量都算多。之後老細見我地飲酒就推介我地食幾個小炒，一個咸酸菜大腸，d 咸酸菜個味又真係幾好，唔會好似出面果d 死咸死酸，另一個蔥油鵝腸又係正，老細話係新鮮鵝腸黎整又真係無吹水，食得出個香味來。之後個獅子頭肉質好正，好濃味，依個送飯的話一流。又飲一陣，到我friend 發板佢嘅至愛串燒，叫左雞皮，牛蹄筋，燒茄子 同兩隻生蠔。個雞皮勁香口，老細推介個牛蹄筋質感好正，串燒夠味得黎又係唔係死咸。後尾個茄子黎到都呆一呆，$38蚊咁大份，佢d 串燒普遍個價都唔貴，咁嘅質素其實抵食，佢個味係調較得唔錯。兩隻蠔黎到都正
咁好啦，見唔係好遠係大角咀，旺角行過去都好快就約埋個friend 去試下，反正唔知食咩。
一去到見門面都好企理，入面裝修幾有特色，就快快趣入去坐低唔洗咁熱。老細好好咁問我地係咪好熱，就安排左我地係個較涼嘅卡位。
叫左兩枝啤酒就睇下有咩食，一打開本 menu 睇都真係幾多款式，見主打潮式沙鍋粥，仲有好多川式菜款，同埋仲有我friend 好鍾意嘅串燒。
拿拿林叫左兩個涼伴小食送下酒，一個麻辣魚皮勁惹味，另一個青瓜花甲又係正，小食黎講份量都算多。
之後老細見我地飲酒就推介我地食幾個小炒，一個咸酸菜大腸，d 咸酸菜個味又真係幾好，唔會好似出面果d 死咸死酸，另一個蔥油鵝腸又係正，老細話係新鮮鵝腸黎整又真係無吹水，食得出個香味來。之後個獅子頭肉質好正，好濃味，依個送飯的話一流。
又飲一陣，到我friend 發板佢嘅至愛串燒，叫左雞皮，牛蹄筋，燒茄子 同兩隻生蠔。個雞皮勁香口，老細推介個牛蹄筋質感好正，串燒夠味得黎又係唔係死咸。後尾個茄子黎到都呆一呆，$38蚊咁大份，佢d 串燒普遍個價都唔貴，咁嘅質素其實抵食，佢個味係調較得唔錯。兩隻蠔黎到都正，熱辣辣，無燒到過晒火。
兩條友送酒都係慢慢飲，慢慢食。可能新開張老細都耐唔耐過黎問下意見，睇得出有心做好間舖。
佢見我地飲酒為主又介紹左我地食佢地個炒螺。一個係釘螺出面比較小見，一個係 紫蘇葉炒田螺。佢兩款都唔係好大隻果d, 但啜啜下勁惹味，送酒真係一流。
本來仲想試下佢個烤腦花 同 小炒皇，不過真心飽，唯有下次多d 人再試，依間個朋友 推介完我又真係唔錯，老細又好，支持下小店寫個食譜。
下次再寫其他
張貼