影片
更多
2017-07-31
634 瀏覽
今日本來約了朋友玩board games加晚餐聚舊，但係我低估了星期六的人潮無book位，該cafe 16:30 已經滿座，臨急Openrice搵到同區既依間"只"，打電話查詢話仲有位，電話中已經感受到店員既友善。由於我知有啲cafe係似餐廳食物為主，唔太比人玩，所以都問清楚可唔可以玩board games... 店員答我：「我地無provide board games既 我地比較行文青feel 哈哈」「不過如果你自己帶上黎都ok呀 唔好太嘈就可以了」因為我地玩同食都會坐得比較耐，之後佢淨係要求我地晚餐都係度食，minimum charge $120/head 就得。甘同我地原定計劃都無乜分別，所以就決定轉場上黎啦。 cafe係位於一棟比較舊同難搵既大廈，但入到餐廳都裝修得舒服，座位同枱都好闊落。廁所都好乾淨，甘所以大廈其他舊唔舊都無乜影響。下午我地一路玩一路叫左幾杯飲品，我既係燒棉花糖泡沫鮮奶沫茶，睇落好靚，唔算太甜可能會岩女仔口味，不過我會prefer再濃啲。棉花糖都係燒左少少，唔夠溶，只係好似野飲加粒棉花糖，無改變到杯野既味道，熱飲唔知會唔會好啲？晚餐叫左五個餐，分別係：櫻花蝦蜆
cafe係位於一棟比較舊同難搵既大廈，但入到餐廳都裝修得舒服，座位同枱都好闊落。廁所都好乾淨，甘所以大廈其他舊唔舊都無乜影響。
下午我地一路玩一路叫左幾杯飲品，我既係燒棉花糖泡沫鮮奶沫茶，睇落好靚，唔算太甜可能會岩女仔口味，不過我會prefer再濃啲。棉花糖都係燒左少少，唔夠溶，只係好似野飲加粒棉花糖，無改變到杯野既味道，熱飲唔知會唔會好啲？
晚餐叫左五個餐，分別係：
櫻花蝦蜆牛油香蒜炒意粉
牛油香蒜好香，大堆櫻花蝦撈勻之後依然啖啖都有，蜆既份量都足夠，抵食。
蟹棒明太子意粉 兩個
因為大家都想食明太子意粉，所以叫多一個。果然無失望。蟹棒唔係cheap蟹柳，仲好似有燒過，幾好食。
蟹肉刁草長通粉
其他 cafe 少有既，依個香草味道幾新鮮，蟹肉都食到但唔夠香，同埋整體上比較膩。
虎蝦龍蝦汁墨魚汁意大利飯
其實好食既，只係覺得兩種汁都有有啲浪費，大可以發展成兩個飯 😂 我好中意食墨魚汁野，但每次見到對面既人牙都黑哂，我就會默默地用脷不停清理自己個咀 🙊
最後個個飽哂試唔到佢出名既waffle, 不過見隔離枱個賣相都極好，下次一定要再試 😋
我地係依間cafe五點留到十點先走。未叫野食前每人得杯drink坐左甘耐我都有啲唔好意思，但店員都無比臉色我地睇 😛 整體上環境，食物，服務我都比好高分。下次要同朋友飯聚我都會諗依間 🖒🖒
燒棉花糖泡沫鮮奶沫茶
47 瀏覽
0 讚好
0 留言
櫻花蝦蜆牛油香蒜意粉
43 瀏覽
0 讚好
0 留言
蟹棒明太子意粉
32 瀏覽
0 讚好
0 留言
蟹肉刁草意粉
44 瀏覽
0 讚好
0 留言
墨魚汁意大利飯配虎蝦
45 瀏覽
0 讚好
0 留言
張貼
