玉庭

今晚約咗超過一年半沒有見的好朋友食晚飯，佢住喺帝堡城，因為沙田新城市廣場一期地下有邨巴返屋企，所以佢揀咗喺新城市廣場一期食晚飯，佢就打咗復必泰疫苗，我就唔夠膽打，所以要搵一間換氣設備很好和枱與枱之間距離比較遠的地方食晚飯，我俾咗帝都酒店佢揀，佢揀咗中菜廳玉庭，我嚟到先知原來2樓不可以入去的，要喺地下入，一入去才知道裝修和座位編排都改變了，依家沒有間隔，但係枱與枱之間的距離很遠，我們後面有一個換氣的電器，所以看來應該食得安心。每張枱都有一個餐前小食$20，今次係百度角丁煮雲耳豆腐乾等等，味道都唔錯，所以我哋都食晒。我們兩人每人點了一個菜式，我點了一個珍菌雜菜煲，朋友點了避風塘炒鱔球，每人一個白飯$20x2因為我要食一碗，而佢原來只係食半碗。珍菌雜菜煲$198初初食落覺得太淡，但係越食越好食，可能係擺耐左啲雜菜索左上湯的味道，不過爭少少食唔晒！避風塘炒鱔球$288好得意，因為唔係用咗大量嘅蒜蓉去做，用咗好多脆米代替大量的蒜蓉，唔會覺得比蒜蓉搶晒啲味，所以我哋除咗食鱔球之外都有食很多料頭！非常之惹味。匯豐信用卡買單八折，折左每位$266。