湘聚小廚

營業中

休息中

有湖南的朋友到香港，本來想帶他吃茶餐廳，但他說思鄉，左搵右搵搵到間湖南菜館，叫湘聚小廚就去食。其實啲菜式都幾特別下，有個叫老干媽炒蛋看上去幾有風味，於是喊左，朋友就堅持要食酸辣土豆絲(土咩豆明明就係薯仔/馬鈴薯)，話係地道菜式云云，於是都喊左。老干媽炒蛋先到，講真，老干媽依種醬都幾出名，老干媽炒飯就食過唔少，聽講外國人幾好依口，但老老實實老干媽炒蛋真係未食過。 一食之下，炒得幾乾身，並不是十分滑，但有老干媽醬的惹味味道，以及濃郁蛋味(其實唔同既蛋味道有分別，我估佢唔係一般既街市黃蛋，可能係土雞蛋之類)，都幾有風味，有農家小菜既樸實粗獷惹味風格。酸辣土豆絲，我自己就唔係太識欣賞，因為個賣相冇乜特別，雪白既薯絲同胡蘿蔔片混和一碟，都幾粗糙下。 但試落，薯絲既粉軟口感，連同酸溜微辣既滋味，又有啲特別，十分開胃。 按朋友評價: 相當地道。 因為朋友食素，所以為左就佢就冇點肉。 不過炒蛋同酸辣薯絲既份量都相當大碟，所以都食到幾飽。