秋田鐵板燒刺身專門店

營業中

休息中

朋你講間好食而且款式都多就嚟試吓，叫了2人餐，首先來是季節沙律清新做開頭，魚子鵝肝蒸蛋沒想到鵝肝加蛋驚喜滑同香。龍蝦燒得好香特別加了不少蝦膏，汁滲入多士都好食。原隻鮮活南非鮑魚配忌廉海苔汁和明太子醬炒蟶子王2款好彈牙鮮味好出。新鮮北寄貝勁鮮甜特別是個湯，少可飲到感覺十分精華。頂級鵝肝唔會太油身但食到鵝肝的滑，夠厚身同有少少酸醋驚喜好味。鹿兒島霜降和牛薄燒卷和厚燒卷，牛油脂夠又軟熟口感，食到炒飯已經勁飽但因為好味都食了一半，野菜味道正常。龍蝦清湯，味道濃郁但又唔會好咸，仲有少少龍蝦肉和膏。冇諗過甜品係即整嘅銅鑼燒，豆沙餡唔甜，雪糕十分之好食。