影片
更多
2022-10-24
291 瀏覽
之前已經bookmark左呢間餐廳，因為睇相已勁鍾意呢度嘅環境，當中牆上靚靚嘅文字"Cherish this moment" 活在當下就最吸引；另外，仲有俾佢本手繪menu吸引左，真係好想親自揭開。果然，今日嚟到，能見到真身，真係好靚好靚，不停影相，差d唔記得左呢度係餐廳，要去食嘢😅Lunch Set 可以選跟沙律或餐湯。餐湯就係紅菜頭湯，隻紅色做得幾靚，個湯幾creamy幾滑。沙律用了石榴籽，外層爽脆，即使配合埋沙律醬食，都依然覺得好健康。蒜香辣帆立貝扁意粉($128)，扁意粉口感唔會煮到太腍，非常彈牙。蒜味香辣味淡，易入口。帶子幾大隻煎得金黃，食落爽彈。紅酒汁燴牛肋條配薯蓉($138)薯蓉濃稠勁滑，有薯香；牛肋條嘅處理唔錯，紅酒味香，但並無蓋過牛肋條嘅肉味；而且入味、夠腍，能輕易咬開。 午餐加少少錢，仲可以加配小食或甜品，饞嘴嘅我，當然繼續食啦。😋吉列牛肉薯餅(跟餐加$38) 鍾意食可樂餅，一見到這個，就已經立即加入點單，當食過第一口，心諗如果呢個係主菜就好啦，因為一個實在不足以滿足，好好食!吉列外層鬆脆到不得了，再加埋牛肉碎與香滑薯蓉伴混嘅餡料，再點埋蜜糖芥末醬進食，外脆內軟、香
果然，今日嚟到，能見到真身，真係好靚好靚，不停影相，差d唔記得左呢度係餐廳，要去食嘢😅
Lunch Set 可以選跟沙律或餐湯。餐湯就係紅菜頭湯，隻紅色做得幾靚，個湯幾creamy幾滑。沙律用了石榴籽，外層爽脆，即使配合埋沙律醬食，都依然覺得好健康。
蒜香辣帆立貝扁意粉($128)，扁意粉口感唔會煮到太腍，非常彈牙。蒜味香辣味淡，易入口。帶子幾大隻煎得金黃，食落爽彈。
紅酒汁燴牛肋條配薯蓉($138)薯蓉濃稠勁滑，有薯香；牛肋條嘅處理唔錯，紅酒味香，但並無蓋過牛肋條嘅肉味；而且入味、夠腍，能輕易咬開。
午餐加少少錢，仲可以加配小食或甜品，饞嘴嘅我，當然繼續食啦。😋
吉列牛肉薯餅(跟餐加$38) 鍾意食可樂餅，一見到這個，就已經立即加入點單，當食過第一口，心諗如果呢個係主菜就好啦，因為一個實在不足以滿足，好好食!吉列外層鬆脆到不得了，再加埋牛肉碎與香滑薯蓉伴混嘅餡料，再點埋蜜糖芥末醬進食，外脆內軟、香口惹味等形容詞都不足以描述這個美味度。
吉列牛肉薯餅
13 瀏覽
0 讚好
0 留言
朋友就鍾意食雞翼，於是就加左個水牛城雞翼(跟餐加$68)，一碟有4隻，酸甜之中帶微辣，勁惹味。
食評見好多人都會叫伯爵茶奶凍($58)，我又超鍾意伯爵茶入饌嘅食物，於是再另外叫左呢個甜品，食落唔會好甜，帶有清淡嘅伯爵茶香，滑捊捊嘅奶凍，加埋微酸嘅藍莓，完美組合。
伯爵茶奶凍
$58
9 瀏覽
1 讚好
0 留言
飲埋餐飲凍檸檬茶、蘋果汁，開開心心地吃飽飽。店如其名，呢一餐豐富了美食嘅回憶。💭
張貼
