匠心廚房

營業中

休息中

有朋自遠方來，帶佢食好啲先。搭地鐵喺尖沙咀站iSquare出口出咗之後對面馬路就已經到餐廳。我哋6:00嚟到尖沙咀匠心廚房。餐廳環境高雅，有氣派。黃金脆豆腐（$78）：豆腐豆味濃。趁熱食時個皮更脆。脆皮牛坑腩（$238）：坑腩肥瘦相間，牛味重。炸皮簿，口感鬆脆。薑蔥生蠔煲（$288）：大量嘅薑蔥蒜，香味滲入生蠔入邊，想唔好味都幾難。蠔有大概5-6隻。咬開肉質Creamy。避風塘炒海蝦（$288）：海蝦有大概七隻。配以大量嘅香蔥炸蒜同辣椒一齊炒，香味四溢。海蝦經過油泡後依然保持到肉質。