牛奶冰室 (怡豐大廈)

營業中

休息中

第一次食牛奶冰室早餐，估唔到有驚喜！開頭覺得普通一個魚柳早餐賣 $47 似乎有啲貴，但黎到就發現係物超所值，炸魚柳有兩塊，一大一係，炸粉適中唔會過厚，外脆內軟好香口。蒜蓉多士有一大塊，蒜蓉味濃郁惹味，比一般茶餐廳嘅牛油多士好味。牛奶炒蛋俾上面啲食物遮蓋住，撥開其他食物就會發現炒蛋有差不多成個碟咁大，係淡橙色嘅炒蛋，蛋味香，炒得嫩滑，油度都可以接受。最開心係有半條粟米！好似 KFC 嘅牛油粟米咁用木簽吉住，方便攞住黎食，有粟米即刻令個早餐顯得豐富好多又健康少少。不得不提佢杯熱奶茶竟然用凍飲杯裝，變相份量 double 咗！奶茶正正常常，整體食物質素都好滿意，唯獨服務態度比較一般，啲職員都無咩禮貌，更加唔好要求有笑容，不過我同自己講茶餐廳唔收加一所以都唔好要求咁多啦。