1908bc British Chinese

營業中

休息中

今日同朋友出上環食晏，之後再去中環行街，我哋都想食中菜，最後揀咗哩間英倫風中菜餐廳。餐廳環境好有驚喜，設計細緻有格調，座位寬敞，開揚舒適，自然光令餐廳氣氛更溫暖柔和。我哋主要點餐廳推介，叫咗一個湯、兩個頭盤、一個主菜及兩杯飲品。中式炖湯 $80湯料十足，目測有花膠、雞腳同豬𦟌，味道濃郁有鮮味，飲落似係老火湯。香酥鴨跟薄餅 $200香酥鴨拆骨拆肉手撕咁上，好特別，鴨肉好香口，薄餅軟身煙韌，配上大蔥、青瓜及甜醬，一大啖咁食好滿足。蝦多士配甜辣醬 $160多士鋪滿芝麻，望落似煎堆，味道變得更香口外，口感亦更有層次，非常創新同有特色嘅製法。蝦大大隻，蝦膠彈牙爽口，另外值得欣賞嘅係食落一啲都唔油膩，點上泰式辣醬，味道更惹味。宮保蝦球 $280蝦球超大粒！炸得非常酥脆，蝦肉十分有鮮味，口感爽口富彈性，加入甜酸醬真係好食到停唔到口，大愛！Latte $45因為睇世界盃關係，搞到唔夠瞓，所以叫咗杯咖啡提神。驚喜！無諗過中菜餐廳嘅咖啡有拉花之餘，味道仲咁有質素。老闆娘同職員都非常好客殷勤，用心哋介紹餐廳及推介菜式，可以話係100分的服務態度，令人有賓自如歸嘅感覺。