影片
更多
2024-03-31
72 瀏覽
今次要推介一間有靈魂有光環😇嘅靚靚打卡Cafe，店主人美心善一腳踢除咗做樓面仲自己煮埋，菜式好睇又好食. 💥餐廳會請聽障人士及社會弱勢社群如Sen及復康人士等做員工，好有善心. 未入門口已經見到一啲NGO嘅表揚旗幟. ❤️細心留意佢哋仲會有啲捐款箱每個月不定期捐俾一啲比較低社會關注度嘅NGO，呢份心意已經值得表揚.👏🏻餐廳裝飾佈置好有心思，成個花花世界咁好溫馨浪漫🥰除咗花牆旁座位仲有兩個鳥籠座，而且仲有提供拍照道具📸比大家，慶祝啲紀念日、生日呀一流. 個環境啱曬情侶閨蜜，甚至一家大細去，因為仲有兔🐰店長不定期出巡. 可惜今次美中不足兔店長唔喺度，下次如果帶小朋友去真係要問定先免得佢哋失望啦. 聽講兩隻兔仔識得聽指令做動作好叻好乖㗎. 🤩QR code 落單好方便. Cafe常見菜式絕不缺席，相當唔錯. 二人餐嘅話都係$600有找，不過今次我哋就散叫，其實價錢都唔係貴好多視乎想食乜. 飲品我哋叫咗金金🍍菠蘿熱情果梳打同埋抹茶鮮奶. 近日天氣炎熱，飲返個菠蘿梳打真係好開胃，果味好香好清新飲落口感超爽. 抹茶鮮奶個抹茶味香濃唔會苦. ⭐️impossible cheeseburger 素肉好Ju
餐廳裝飾佈置好有心思，成個花花世界咁好溫馨浪漫🥰除咗花牆旁座位仲有兩個鳥籠座，而且仲有提供拍照道具📸比大家，慶祝啲紀念日、生日呀一流. 個環境啱曬情侶閨蜜，甚至一家大細去，因為仲有兔🐰店長不定期出巡. 可惜今次美中不足兔店長唔喺度，下次如果帶小朋友去真係要問定先免得佢哋失望啦. 聽講兩隻兔仔識得聽指令做動作好叻好乖㗎. 🤩
QR code 落單好方便. Cafe常見菜式絕不缺席，相當唔錯. 二人餐嘅話都係$600有找，不過今次我哋就散叫，其實價錢都唔係貴好多視乎想食乜. 飲品我哋叫咗金金🍍菠蘿熱情果梳打同埋抹茶鮮奶. 近日天氣炎熱，飲返個菠蘿梳打真係好開胃，果味好香好清新飲落口感超爽. 抹茶鮮奶個抹茶味香濃唔會苦.
⭐️impossible cheeseburger
素肉好Juicy夠健康而且神還原肉漢堡精髓. 個包好香脆，黑色幾特別喎，內藏熱溶芝士同勁厚身蕃茄. 配埋伴晒碟嘅新鮮沙律仲有Nachos食好滿足.
⭐️南瓜汁野菜米意粉
擺盤精緻，色彩斑斕恍如藝術品. 南瓜汁加埋南瓜籽雙重享受，個米意粉Orzo好Creamy軟硬度適中，口感介乎飯同意粉之間平時比較少食原來咁好食，蔬菜及菇類等配料好鮮甜，面層仲有芝士塊增添鹹香風味.
⭐️招牌粉紅甜甜心❣️
以為係普通窩夫就錯喇，食落口感好煙靭有麻糬嘅質感. 灑上糖霜同埋低糖朱古力醬，食落唔會太甜. 配合埋忌廉士多啤梨藍莓仲有雲呢拿雪糕食，非常豐富.
順帶一提，呢度嘅餐廳命名「say，I love you」都係因為店主之一係姜粉，下個月姜濤誕🥳🎂🎊聽講會有新搞作慈善活動，店主嘅堅毅精神同埋開店理念我都好佩服🙌🏻👏🏻係姜糖嘅記得去支持吓啦，好適合粉絲去聚聚😉不過我就算唔係粉絲都覺得要去幫襯吓.第時搞下生日會都唔錯喎.
0 瀏覽
0 讚好
0 留言
張貼
