富園

營業中

休息中

夜晚食生日飯之前，朋友約咗去大埔行吓順便食下午茶，一食下午茶嘅話就諗起富園，之前試過湯河同焗飯，今次就試吓去啲炒嘢，因為之前見到啲炒嘢都好似好得。本來想嗌薯角炸髀，但係佢冇薯角所以就轉咗做雞扒蔥油撈公，另外就加咗個乾炒牛河。蔥油撈公啲薑蔥幾夠味，唔知係咪自家製。雞扒就比起上次焗飯個雞多少少，其實個蔥油都已經夠煞食。乾炒牛河聞落去都好有鑊氣，食落去唔算太油，跟住個friend問佢攞辣椒醬，竟然唔記得配佢個辣椒油，其實我覺得呢度啲辣椒油係炒粉麵同埋湯河嘅絕配，如果有機會嚟試嘅話又唔怕辣真係要食。