無辣不歡 (已結業)

夜左收工唔想煮飯就去買外賣啦，元朗真係好多外賣店，但今日落住毛毛細雨又涼左，就特別想食辣野，即刻想起街口閒無辣不歡。睇下食咩好先，好多野揀呀，樣樣都好似唔錯。最後叫左下面幾樣，辣度就要個中辣先🌶️⭐手撕雞腸粉一打開見到甘多醬真係好開心，食腸粉多醬真係好緊要架，腸粉係港式個種，唔係國内的刮刮腸。腸粉有咬口，蒸得剛好不過淋，雖然多醬但依然食到米香，正。⭐手撕雞拉麵天氣涼左嘛點個熱食先，拉麵口感還不錯，湯底要了中辣也不太辣，喝光完全沒難度。另外雞件也很滑，不過就比較大件，似雞球多過手撕雞，哈哈😆⭐水晶涼皮+大腸&牛肚最後仲有涼皮，口感煙韌有嚼勁，蒜香加上芫荽真心正。大腸同牛肚口感相近，但同涼皮都夾，吸了辣汁好香口，而且份量比得多，抵呀。三樣野兩個人食已經好飽，人均消費都唔洗一百蚊😎