MOO MOO

營業中

休息中

又係觀塘工業區搵食，鴻圖中心地下有幾間食市，今次試呢間MOO MOO漢堡包，漢堡包種類繁多，有牛堡、雞堡、素堡等，另外仲有熱狗，沙律、各類小食及不同飲品提供。經典之堡：有車打芝加士、牛肉、生菜、蕃茄，牛肉肉堡肉汁豐富，大約7成熟，配上自家特制MOO MOO汁一流。脆脆雞堡：有芝士、雞扒、生菜、蕃茄，雞扒炸到黃金，咬落去外脆內軟，配上芥末密糖汁提升味道。漢堡的包麵包有質感，熱辣辣，即場制作需時！肉汁芝士薯條：薯條上有肉醬汁，少量流心芝士汁，食到最後發現大部份流心芝士汁在最底，芝士味濃。爆谷雞粒：大約1至2喱米大，可以一口一粒，脆卜卜。