好日咖啡店 (已結業)

昨日中午去KCC 辦點事情，遇正葵涌區行雷行足成個鐘，所以索性係 Life@KCC 食埋午飯先走。上左8樓，見呢間餐廳有位，又幾企理，餐牌又有野岩食，又未食過，所以就走入去試下。入到餐廳，侍應問幾多位，我答一位，佢再問我想坐入面定上面窗邊位，我揀左窗邊位。行到埋窗邊位，侍應放低餐牌，同我講呢個係83號枱，請我到出面落單。呢點係我對呢間餐廳扣分的兩個原因之一。因為行到埋位，又行返出去收銀位落單，一來麻煩，二來對於我這類一個人來食既客，個位無人看住，隨身包包放低又怕被人羅走，拎住行返出收銀位又麻煩。原因二，就係向窗位個張類似吧椅既高椅，呢張椅真係超級難坐，尤其是對於我呢類腰短腳短，又有點體重的人來說。坐上張椅已經難，坐坐下張椅會下降，令到我下巴差點可貼到枱面就更無奈。後來有一對情侶入座坐我隔籬張枱，一坐低就自行轉坐去後排，另一張非向窗位，另一類別，張椅是正常四隻腳的高枱位。價錢雖然有點高，但食物是有誠意的，所以尚算合理，會再幫襯。但如果仲係呢種椅，就一定唔會再坐向窗那排位，因為真心無能力坐。