影片
更多
2022-09-14
63 瀏覽
又係做孤獨的美食家既時候啦，中午放飯行元朗搵食，天氣咁熱又想坐得舒服d，就搵到呢間公車泰國餐廳，見佢鋪面裝修都好靚，午餐價錢55蚊-60蚊左右，就入去試下啦，入坐大約未夠12點，暫時客人不多，店面面積都幾大幾多位，裝修都幾靚冷氣夠涼坐得幾舒服。本身想試下咩係脆肉海南雞，但侍應話今日無燒肉，原來即係燒肉，咁就試下個海南雞飯啦，泰式飲品都係加2蚊就揀個泰式青檸冰，落單後就先黎講碗例湯，同早2日係另一間泰菜館一樣都係冬瓜肉碎湯，飲落味道都係偏重胡椒味呀，感覺係一樣的，可能呢d真係正宗泰國風味？海南雞飯，首先講講個飯係用我鍾意既黃薑飯，呢個飯真係非常有質素呀，黃薑味好足，超足，係暫時食過幾間泰國餐既黃薑飯之中最好食既，飯唔會好濕粒粒分明，面頭加左少少炸蒜片增加口感同香味，好食。雞方面就係無骨雞啦，份量睇落好似唔多但因為斬得比較大件，食落都好足夠，廚房已去左皮下脂，食落就無咁肥，不過擺盤就唔算話好靚，但最緊要係味道，雞都煮得夠淋就算係雞胸位都唔會話好鞋口，跟個泰式酸辣計就主要以酸味為主，比較開胃解膩，另外配料有d酸蘿蔔絲同炸花生，酸蘿蔔絲酸甜開胃解膩，炸花生香口增加口感脆度，成個餐食得好滿足。泰
本身想試下咩係脆肉海南雞，但侍應話今日無燒肉，原來即係燒肉，咁就試下個海南雞飯啦，泰式飲品都係加2蚊就揀個泰式青檸冰，落單後就先黎講碗例湯，同早2日係另一間泰菜館一樣都係冬瓜肉碎湯，飲落味道都係偏重胡椒味呀，感覺係一樣的，可能呢d真係正宗泰國風味？
海南雞飯，首先講講個飯係用我鍾意既黃薑飯，呢個飯真係非常有質素呀，黃薑味好足，超足，係暫時食過幾間泰國餐既黃薑飯之中最好食既，飯唔會好濕粒粒分明，面頭加左少少炸蒜片增加口感同香味，好食。
雞方面就係無骨雞啦，份量睇落好似唔多但因為斬得比較大件，食落都好足夠，廚房已去左皮下脂，食落就無咁肥，不過擺盤就唔算話好靚，但最緊要係味道，雞都煮得夠淋就算係雞胸位都唔會話好鞋口，跟個泰式酸辣計就主要以酸味為主，比較開胃解膩，另外配料有d酸蘿蔔絲同炸花生，酸蘿蔔絲酸甜開胃解膩，炸花生香口增加口感脆度，成個餐食得好滿足。
海南雞飯
$58
7 瀏覽
1 讚好
0 留言
泰式青檸就其實係凍青檸水，青檸我就拮到好爛呀所以飲落就好酸，拮少2野就應該差唔多啦。
泰式青檸冰
0 瀏覽
0 讚好
0 留言
另外睇返枱櫃入面擺餐具個架有即用套提供，食某d要用手既食物都唔怕污槽，睇黎餐廳都幾貼心。
午餐一共就食左60蚊，午市就免加一，晚市就要加一既，呢樣要留意返，雖然話60蚊食個午餐唔算好平，但勝在食物質素，份量同環境都好到位，相對性價比都唔錯，另外雖然未食過其他食物啦，但食完呢個午餐我都覺得相當有誠意，其他食物相對都應該做得好，值得推薦。
張貼
