七喜粥麵小廚

營業中

休息中

七喜有多間行店，而我就幫襯過土瓜灣及新浦崗兩間，論座位舒適及舖面外觀衛生程度，新蒲崗七喜比土瓜灣個間，都優勝多倍至食物方面，若用生滾粥來比較則遑多讓，兩店嘅粥底同樣出色，而生滾料夠新鮮外，亦都夠份量，粥嘅較量打成平手，誰也贏到誰，好嘞到比拼双方䓤撈魚片回合，就高下立見，先講土瓜灣七喜做出來的魚皮，䓤，花生和魚皮份量都比新蒲崗七喜畧多，但主角魚皮卻做得非常勒，難以嘴嚼而更淡而無味，魚片入口後感覺食梗一塊無味嘅香口膠，反之新蒲崗店所做嘅魚皮入口有鲜味之外，嘴嚼時亦有一種爽脆感覺，兩店此物價錢一樣但分別係天與地，讚完新蒲崗店嘅粥品及魚皮現在就要彈佢個小菜梅子蒸排骨，呢個菜以前係任何一間茶楼飲早茶都食到，但近十零廿年佢就好此干蒸牛肉咁越来越少茶楼有得食，難得知道七喜有呢個小菜供應，身為老餅嘅我當然叫番碟來懷舊一番，希望能重拾兒時味道，點知碟梅子排骨一擺上枱，我會用慘忍睹四個字形容佢嘅賣相，成碟排骨似係用茄膏來蒸，食落口D排骨毫無味道，經此一役以後在呢間七喜食店我吾會再叫呢個餸。