黑布小巷

營業中

休息中

一早已經聽過黑布小巷係一間人龍店, 一直未試直到經過大角咀見到新開分店, 當日落雨又唔洗排隊, 正~唔怪得咁多人讚, 樣樣都好食又足料大份, 重係平民價錢。雞脾肉椒麻拌麵雞脾肉兩大塊, 椒麻味香再加埋佢個台灣酸菜好好味!手工滷肉慢烤雞扒便當+黑布台式香腸 佢地既自家製滷肉又入味又香濃, 半肥瘦食落又唔覺好油, 超好撈飯。除左雞扒厚身大塊之外, 仲有滷蛋, 粉絲, 椰菜, 栗米, 同埋酸菜等配菜鋪滿成個飯面, 超豐富。黑布台式香腸勁好味, 煎到外皮脆口咬落去咇汁, 咸香!必食**慢烤雞腿芝士蛋吐司 聽講哩個係黑布小巷既名物, 賣相真係夠哂吸引, 烘脆左既多士夾住溶溶地既cheese+滑滑既雞腿肉+流心蛋, 咬落去層次豐富又超有滿足感, 我食既時候第一個念頭係: 如果公司附近有得食就好啦!! 一定會成日買黎做早餐/午餐!!本身唔知哩度D野份量驚人, 最尾真係食到太飽, 飲下佢地自家製既冬瓜茶同埋桂花雪梨羅漢果茶好清香解膩, 配搭得好好!哩間真係絕對值得支持既小店。