又到了食串燒飲啤酒既日子
今日就黎左同事介紹既尖沙咀呢間
座位非常舒適，仲有d私人空間
酒櫃既酒亦非常多種類，指定清酒例如越後櫻呢d仲有半價
梅酒梳打特飲
前菜係五切三文魚刺身，諗唔到，黎既係腩位，
仲要價錢勁平…48蚊
咸牛肉明太子燒饅頭
咁特別既野一定要點黎試，
外皮微脆，內餡有明太子既咸香，入口有心理作用有ddd辣感
係一款好適合配酒既小食！
個餅皮唔算厚，帶少少嚼口，海膽同蝦做餡料真係幾奢侈！
但味道食落居然比較收斂，海膽幾鮮味，蝦爽口，整體配合很好，值得一叫。
跟住就係一連串既串燒喇！
必須一提就係，佢有一個menu係44蚊同款兩串，雞軟骨阿肥牛燒果d
要點名讚既係羊皮，燒得非常香脆，有燒焦既油脂香味，同埋咬落有我最愛既羶味
另外就係本菇牛肉卷，牛肉唔算厚，但味道主角係菇，呢個要叫！
柚子雞肉串香氣清爽，，酸香唔算好誇張，幾自然，雞肉超嫩，呢個甜酸咸既配搭永遠輸唔到
菠蘿係一定要叫好多串，燒過後甜度提升，外邊有輕輕既脆焦香，超級正
熱騰騰冒哂煙既鍋上枱了！
海鮮湯底飲落一定都唔會渴，有大大粒帶子，仲有蠔
粒蠔仲要係煮完都幾大隻，少許粉絲，吸哂湯既鮮味，暖胃，舒服
